Qostanaı oblysynda 13 adam qar qursaýynan shyǵaryldy
QOSTANAI. QazAqparat – Qostanaı oblysynyń Tótenshe jaǵdaılar departamentiniń qyzmetkerleri turǵyndardy qar qursaýynan qutqarý jumystaryn jalǵastyrýda, dep habarlaıdy QazAqparat.
TJD baspasóz qyzmetiniń málimetine súıensek, Vveden tas jolynyń boıyndaǵy Borıs-Romanov aýylynan 60 shaqyrym jerde «Kamaz» kóligi qarǵa batyp qalǵan. «112» nómirine habar kelip túsisimen oqıǵa ornyna jetken jedel jasaq kólikti arnaıy tehnıkamen súırep shyǵardy.
«Kóliktegi adamdar jaqyn mańdaǵy aýylǵa jetkizildi. Sol kúni Maıalap eldi mekeniniń qasynda 9 adam qar qursaýynan shyǵaryldy. Zardap shekkender joq. Olarǵa tıisti járdem kórsetildi. Nadejdınka aýylyndaǵy jolda 4 adam qutqaryldy»-, dep habarlaıdy vedomstvonyń baspasóz qyzmeti.
