Qostanaı oblysynda 12 adam qar qursaýynan shyǵaryldy
QOSTANAI. QazAqparat – Qostanaı oblysynda qar astynda qalyp qoıǵan birneshe adam qutqaryldy, dep habarlaıdy QazAqparat oblystyq TJD baspasóz qyzmetine silteme jasap.
Búgin túngi saǵat 00:30-da Arqalyq qalasynyń qutqarý bólimshesiniń qyzmetkerleri júrip ótý múmkindigi joǵary «Trekol» kóligimen qar qursaýynda qalǵan jolaýshylardy qutqardy.
«Kóktaý aýylynan 15 shaqyrym qashyqtyqta qalyp qoıǵan 2 jeńil avtokólik tasjoldyń tazartylǵan bóligine súırep shyǵaryldy. Eki kóliktiń ishinde 7 adam bolǵan. Onyń ekeýi – sábı. 16 aqpan kúni saǵat 03:15-te oblystyq mańyz bar «Arqalyq-Torǵaı» tasjolynyń 29-shaqyrymynda qarǵa batyp qalǵan taǵy bir jeńil kólik jolaýshylary qutqaryldy. Onyń ishinde bes adam bolǵan», - delingen vedomstvonyń baspasóz habarlamasynda.
