Qostanaı oblysynan tabylǵan mamonttyń azý tisi mýzeıge tapsyryldy
QOSTANAI. QazAqparat - Jangeldın aýdany aýmaǵynan tabylǵan ejelgi zamanda tirshilik etken zildiń azý tisi oblystyq mýzeıge tapsyryldy, dep habarlaıdy QazAqparat tilshisi.
Jergilikti sharýa Murat Salmuratov bul jádigerdi aýyl irgesindegi jardan taýyp alǵan . Ol tapqan oljasyn jaqynda Qostanaı oblystyq tarıhı-ólketaný mýzeıine ákelip tapsyrdy.
Oblystyq tarıhı-ólketaný mýzeıiniń qyzmetkeri, paleontolog Andreı Andrıýşenko zildiń (mamont) 6 tisi bolatynyn aıtty.
«Onyń ekeýi syrtqa shyǵyp turatyn azý tisi bolsa, qalǵan tórteýi jaq súıekterine ekeýden ornalasqan, onymen azyǵyn shaınap jegen. Aýdan turǵynynyń tapqany sol tamaq shaınaıtyn azý tisiniń biri», - deıdi ol.
Mamannyń sózinshe, mamonttyń tisi ózenniń jaǵasynan tabylǵanyna qaraǵanda, ony sý shaıyp shyǵaryp tastaǵan.
«Kóktemde ózen arnasynan tasyǵanda tereńde jatqan ejelgi zaman janýarlarynyń súıekteri topyraqtyń syrtyna shyǵyp qalady. Zildiń tisi tabylǵan mańaıda basqa da súıekter bolýy múmkin. Torǵaı aýmaǵynda ótken ǵasyrdyń 70-jyldary ejelgi zaman janýarlarynyń súıegi óte kóp kezdesipti», - dedi Andreı Andrıýşenko.
Jalpy, oblystyq mýzeıde ejelgi janýardyń on shaqty azý tisi, qabyrǵalary, jilikteri, omyrtqalary bar.
