Qostanaı oblysyna kúzgi oraq naýqanyn júrgizýge 27 myń tonna dızel jetkiziledi

QOSTANAI. QazAqparat – Kúzgi oraq naýqanyna baılanysty osy aıdyń ishinde Qostanaı oblysyna 27 myń tonna dızel otyny jetkiziledi. Bul týraly óńir ákimdiginiń janynan qurylǵan Aqparattyq shtabtan málim etti, dep habarlaıdy QazAqparat tilshisi.

«Jyl saıyn qyrkúıekten qazan aıynyń ortasyna deıin kúzgi egin jınaý jumystary júrgiziletini belgili. Búgingi tańda respbýlıka boıynsha bolyp jatqan janar-jaǵarmaı tapshylyǵyn eskere otyryp, qyrkúıek aıynda oblysqa 27 myń tonna dızel otyny ákelinedi. Dızeldi 14 tasymaldaýshy-operator jetkizetin bolady», - delingen shtab taratqan habarlamada.

Eske salaıyq, keshe QR Energetıka mınıstri Bolat Aqsholaqov bıyl aýyl sharýashylyǵy ónimin óndirýshilerge 423 myń tonnadan astam dızel beriletinin málimdegen edi.

Ashyq kózderden alynǵan foto