Qostanaı oblysyna kelgen Berdibek Saparbaev jas fýtbolshylarmen kezdesti
QOSTANAI. QazAqparat – QR Premer-Mınıstriniń orynbasary Berdibek Saparbaev bastaǵan Úkimettik delegatsııasy Qostanaı oblysyna keldi, dep habarlaıdy QazAqparat tilshisi.
Berdibek Saparbaevqa aldymen óńirdegi sport ınfraqurylymynyń damýy tanystyryldy. Oblys ákimi Arhımed Muhambetov aıtqandaı, «Tobyl arena» maneji ÝEFA talaptaryna saı keletin eldegi balamasy joq nysan.Munda halyqaralyq, el birinshiligi oıyndaryn ótkizýge bolady. Úlken fýtbolǵa arnalǵan jabyq arena memlekettik-jekeshelik áriptestik negizinde bir jyldyń ishinde turǵyzyldy.
QR Premer-Mınıstriniń orynbasary alańda jattyǵý jasap júrgen jas aıaq dop sheberlerimen kezdesti.
«Senderge oblys basshysy qanshama jaqsy jaǵdaı týǵyzyp otyr. Mynadaı alań Qazaqstanda joq. Sol sebepti, bar múmkindikti paıdalaný qajet. Sender elimizdi álemdik arenada tanytasyńdar. Sportpen shuǵyldanýdy únemi qoldap otyryńdar», -dep keńes berdi ol balǵyn fýtbolshylarǵa.
Aıta keteıik, «Tobyl Arena» manejiniń resmı ashylýy premer-lıganyń 1-týry aıasynda «Tobyl» men «Ertis» komandalary arasyndaǵy oıyn kúni ótedi.
Berdibek Saparbaevtyń oblysqa sapary «Jastar saraıynda» jalǵasty. Erteń Úkimet delegatsııasy Fedorov aýdanyndaǵy áleýmettik nysandardy aralap, aýdan jurtshylyǵymen kezdespek.
