Qostanaı oblysyna Egıpetten ushyp kelgen 84 adam baqylaýǵa alyndy
QOSTANAI. QazAqparat – Búgin Qostanaı qalasyna Egıpet memleketinen «Sharm-el-Sheıh – Qostanaı» baǵyty boıynsha reıs ushyp keldi, dep habarlaıdy QazAqparat.
Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málimetinshe, ushaq bortynda barlyǵy 237 jolaýshy jáne 7 ekıpaj múshesi bolǵan. Onyń 152-i – Reseı Federatsııasynyń, 1 – Ýkraına, 84 – Qazaqstan azamaty.
Kelgen jolaýshylardy polıtsııa qyzmetkerleri, epıdemıologtar jáne jedel járdem qyzmetkerleri birge qarsy aldy. Sodan keıin reseılikter Reseı Federatsııasynyń shekarasyna deıin jetkizildi. Eldiń 84 azamaty medıtsınalyq qyzmetkerlerdiń baqylaýyna alyndy.
«Qostanaı oblysynda koronovırýs ınfektsııasyn juqtyrǵan adamdar joq. Jolaýshylardyń jaǵdaıy birqalypty. Búgingi kúni oblysta 39 adam aýrýhanaǵa jatqyzyldy, karantınde 24 adam bar» delingen vedomstvonyń aqparatynda.
