Qostanaı oblysyna dári-dármektiń kezekti partııasy jetkizildi
QOSTANAI.QazAqparat – Qostanaıǵa dár-dármektiń úlken partııasy jetkizildi. Bul maqsatqa 90 mln teńge jumsaldy, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Ákelingen dári-dármektiń arasynda antıbıotık, vırýsqa qarsy preparat jetkilikti. Atap aıtqanda, ıngaverıt, ınflıýtsıd, lıdokaın, novokaın, ambrobene syndy dárilerdi oblys dárihanalarynan tabý qıyn-tyn. Qazir bul másele sheshilip keledi. Búgin kelgen júk kólikterinde dáriniń 10-nan astam túri bar. Buny satyp alýǵa 90 mln teńge jumsaldy.
«Dáriler oblystyń dárihanalaryna teńdeı bólinedi. Dárilik zattardyń qoımadan dárihana jelisine jetýinn bir kún ýaqyt kerek. Jaqyn arada dárihanalarǵa Ergoferon men Taılolfen hot preparattary jetkiziledi. Jalpy, farmatsevtıkalyq kompanııaǵa júkteme kún sanap artyp keledi. Sebebi vırýsty emdeý hattamasyna saı ákelinetin preparattar tizimi jıi ózgeredi. Qazir Qostanaı oblysynyń dárihanalary dári qoryn jasaqtady. Dári tapshylyǵy baıqalmaıdy», - deıdi «Raýza-ADE» farmatsevtıkalyq kompanııasynyń dırektory Andreı Nemtsov.
Qostanaılyq farmkompanııaǵa Aqtóbe, Aqtaý sııaqty basqa da óńirler dárige tapsyrys túsken. Alaıda Andreı Nemtsov aldymen Qostanaı oblysyn dári-dármekpen qamtamasyz etýdi jón sanaǵan. Jaqynda taǵy bir júk kóligi kelmek. Onda kópten kútken termometrler men Anaferon sııaqty tabylýy qıyn preparattar bar.
