Qostanaı oblysyna bir top reseılik dáriger keldi
QOSTANAI. QazAqparat – Máskeý qalasynyń 15 dárigeri Qostanaı oblysyna COVID-19 vırýsyna qarsy kúreske kómek kórsetý úshin keldi, dep habarlaıdy QazAqparat.
Máskeý qalasynan kelgen mamandar brıgadasyn oblys ákimi Arhımed Muhambetov qabyldady. Óńir basshysy Máskeý meri Sergeı Sobıanınge kórsetilgen kómek úshin alǵys aıtty.
Mýltıdıstsıplınarlyq medıtsınalyq brıgadany N.V. Sklıfosovskıı atyndaǵy ǴZI tótenshe jaǵdaılarda jumys isteý úshin mamandandyrylǵan medıtsınalyq kómek brıgadasynyń meńgerýshisi Oleg Chernysh basqarady.
«Brıgadanyń basty maqsaty – pandemııa kezinde bizdiń oblys aýmaǵyndaǵy epıdemıologııalyq jaǵdaıdy zertteý. Mamandar jergilikti densaýlyq saqtaý organdarymen birlesip, KVI taralýynyń aldyn alý boıynsha is-sharalardy ázirleý. Brıgadalar provızorlyq ortalyqtarǵa baryp, aýrýhanalardy qaıta beıindeýge kómektesip, patsıentterdi qarap, ár túrli mamandyqtaǵy dárigerler úshin oqytý semınarlaryn ótkizetin bolady. Quramynda hırýrg, anestezıolog-reanımatolog, pýlmonolog, ınfektsıonıst, kardıolog, epıdemıolog, KT rentgenology, anestezııa meıirbıkesi jáne koronavırýsy bar patsıentterdi emdeýde tájirıbesi bar basqa da mamandar bar», - dedi aımaq basshysy.
Dárigerler Máskeý qalalyq aýrýhanasy, M.P. Konchalovskıı atyndaǵy aýrýhana, Kommýnarktegi №40 jáne №67 aýrýhana, A.S. Logınov atyndaǵy MKǴP ortalyǵy, M. P.Konchalovskıı atyndaǵy ortalyq, №2 Juqpaly aýrýlar aýrýhanasy men №121 klınıkalyq-dıagnostıkalyq emhanada jumys isteıdi.
