Qostanaı oblysyna 196,2 mlrd teńge ınvestıtsııa tartyldy – Arhımed Muhambetov

QOSTANAI. QazAqparat – Qostanaı qalasynda ótken «Nur Otan» partııasy fraktsııasynyń otyrysynda óńirlerdi damytý baǵdarlamasy talqylandy, dep habarlaıdy QazAqparat.

«Nur Otan» partııasy fılıalynyń tóraǵasy - oblys ákimi Arhımed Muhambetov óńirdiń áleýmettik-ekonomıkalyq jetistikteri týraly baıandady. Aımaq basshysynyń aıtýynsha, úsh jyl ishinde ishki óńirlik ónim halyqtyń jan basyna shaqqanda 51,5% artty. Óńdeý ónerkásibiniń kólemi 87,7% artty. Ónerkásipte de, aýyl sharýashylyǵynda da eńbek ónimdiligi joǵary. Tipti, óńirde ómir súrý uzaqtyǵy 2015 jylmen salystyrǵanda bir jarym jylǵa – 72,3 jasqa deıin uzarǵan.

«Úshinshi toqsannyń qorytyndysy boıynsha makroekonomıkalyq kórsetkishterdiń basym bóligi oń dınamıkany kórsetedi. Ónerkásiptik óndiriste 15,1% (862,8 mlrd teńge) ósim qamtamasyz etildi. Qurylys jumystarynyń naqty kólem ındeksi 105,7% deńgeıinde, ıaǵnı kólemi 85 mlrd teńgege jetti. Jyl basynan beri 16,2% ósimmen 264,5 myń sharshy metr turǵyn úı paıdalanýǵa berildi. Oblysqa 196,2 mlrd teńge ınvestıtsııa tartyldy», - dedi oblys ákimi.

Jıyn barysynda Arhımed Muhambetov «Úzdik áleýmettik jobalar» respýblıkalyq konkýrsynyń aımaqtyq kezeńiniń jeńimpazdaryn quttyqtap, aqshalaı sertıfıkattarmen marapattady.

Birinshi oryndy «Raýan» jastar qoǵamdyq birlestigi ıelendi. Oǵan 1 mln teńge tabys etildi. Ekinshi oryndy 700 myń teńgeniń sertıfıkatyn alǵan «Umit-Nadejda» QB enshiledi. «Qostanaı qalalyq múgedekterdiń erikti qoǵamy» QB 3-shi oryn jáne 500 myń teńge aldy. Qarabalyq aýdany men Rýdnyı erikti múgedekter qoǵamy belsendilik tanytqany úshin 100 myń teńge aldy.

«Múmkindigi shekteýli adamdardy qoldaý salasynda jumys isteıtin qoǵamdyq birlestikterdi quttyqtaımyn. Bul qarjy sizderge ári qaraı jumys isteýge jáne óz maqsattaryńyzǵa jetý úshin qajet bolady», - dep atap ótti óńir basshysy.

Jıyn barysynda partııanyń depýtattyq fraktsııalaryna bir aı ishinde qalalar men aýdandarda oblys aýmaqtaryn damytýdyń 2016-2020 jyldarǵa arnalǵan baǵdarlamasyn iske asyrý máselelerin qarastyrý júkteldi. Sondaı-aq baǵdarlamanyń oń aspektilerin jarııalaý úshin medıajospar men spıkerler daıyndaý, qoǵamdyq monıtorıngti kúsheıtý, depýtattarǵa aýmaqtardy damytý jobasyn qalyptastyrý boıynsha usynystardy jınaý jáne taldaý qajettigi tapsyryldy.