Qostanaı oblysy: Jeńgetaılyqpen aınalysty degen kúdikpen depýtat ustaldy
QOSTANAI. QazAqparat - Rýdnyı qalasy máslıhatynyń depýtatyna qatysty «Jeńgetaılyq» baby boıynsha qylmystyq is qozǵaldy, dep habarlaıdy QazAqparat tilshisi.
Jyl basynan beri Rýdnyı qalasynda 3 jeńgetaılyq faktisi tirkelgen. Jaqynda jeńgetaılyqpen aınalysyp júrgen 25 jastaǵy rýdnyılyq ıÝlııa Karalashqa qatysty qylmystyq is qozǵaldy. Bul aqparatty Qostanaı oblystyq ІІD-niń baspasóz qyzmetinde rastady.
«Sokolov-Sarybaı» ken óndirý basqarmasy» AQ Tehnıkalyq damý jáne tehnologııalar departamentinde qyzmet etetin ıÝlııa Karalashtyń esimi oblysqa jaqsy tanys. Ol birneshe respýblıkalyq mádenı baıqaýlardyń júldegeri bolǵan.
Kúdiktini oblystyq ІІD uıymdasqan qylmysqa qarsy kúres basqarmasynyń qyzmetkerleri ustaǵan. Osy fakti boıynsha QR QK 309-baby 1-bóligine sáıkes qylmystyq is qozǵaldy. Qazirgi málimetterge súıensek, halyq qalaýlysy 9 qyrkúıek kúni 29 jastaǵy Rýdnyı qalasynyń turǵynyna 24 jastaǵy qyzdy 60 myń teńgege usynǵan. Qyzdyń jezókshelikpen aınalysýyna «jaǵdaı jasaǵan» depýtattyń qylmysy dáleldense, onyń múlki tárkilenip, 5 jylǵa deıin bas bostandyǵynan aıyrylýy múmkin.
«Sokolov-Sarybaı» ken óndirý basqarmasy» AQ BAQ-pen baılanys jónindegi maman Natalıa Ermachenko istiń anyq-qanyǵyn bilmeıtinin aıtty. Onyń qosymsha tabys kózi bar bolyp shyqty. ıÝ.Karalash - tanymal Karalash Fashion Company ınternet-dúkeniniń ıesi. Sondaı-aq, osy ýaqytqa deıin «SSKÓB» AQ Tehnıkalyq damý jáne tehnologııalar departamentinde qyzmet atqaryp kelgen. Máslıhatta ol áleýmettik saıasat jáne ekologııa máselelerine jaýap beretin.
Búginde kúdikti ıÝlııa Karalashtyń depýtat mandatynan aıyrylyp, «Nur Otan» partııasynyń músheliginen shyǵarylǵany belgili boldy.
