Qostanaı oblysy ózin qandaı azyq-túlikpen tolyq qamtamasyz etip otyr
«10 negizgi taýar boıynsha ishki naryq 100%-dan joǵary qamtamasyz etilgen. Olar: un, nan, makaron, sıyr eti, sút, jumyrtqa, qus eti, kúnbaǵys maıy, sary maı, kartop. Óz óndirisi esebinen alty taýarlyq pozıtsııa boıynsha ashytylǵan sút ónimderi boıynsha - 60%, sábiz boıynsha - 54%, qyryqqabat boıynsha - 50%, irimshik jáne súzbe boıynsha - 33%, pııaz boıynsha - 32%, qaraqumyq jarmasy boıynsha – 8%. Suranys tolyq qamtamasyz etilgen. Bul ónimderdiń jetispeıtin bóligi respýblıkanyń basqa óńirlerinen jáne jaqyn shetelden ákelinedi. Úsh taýar - kúrish, qant jáne tuz boıynsha oblys halqy tolyǵymen Qyzylorda, Almaty oblystarynan jáne Reseıden keletin ımport esebinen qamtamasyz etilgen», - dep habarlady oblystyq aýyl sharýashlyǵy basqarmasynyń basshysy Tımýr Besimbaev.
Oblys halqyn azyq-túlik taýarlarymen qamtamasyz etý úshin jergilikti bıýdjetten baǵa belgileý tetigin iske asyrýǵa 6,6 mlrd teńge bólindi.
«Ónimniń toǵyz ataýy boıynsha taýar ınterventsııalary júrgiziledi. Olar: un, kúnbaǵys maıy, qaraqumyq jarmasy, rojkı, qus eti, qant, jumyrtqa, sıyr eti, sary maı. «Aınalym shemasy» boıynsha óndirýshiler men kásipkerlerge 1 856 mln teńge somasynda jeńildetilgen qaryzdar bólindi. Forvardtyq satyp alý boıynsha turaqtandyrý qoryna jalpy somasy 1,8 mlrd teńgeniń ónimi - qyryqqabat, kartop, sábiz, pııaz, un, qus eti, jumyrtqa satyp alyndy», - dedi ol.
T.Besimbaevtyń aıtýynsha, óńirde 200-ge jýyq qaıta óńdeý kásiporyndary jumys isteıdi. Olar jyl basynan beri 115 mlrd teńgeniń ónimin óndirdi. Bul ótken jyldyń sáıkes kezeńimen salystyrǵanda 31%-ǵa artyq.
«1 mamyrdaǵy jaǵdaı boıynsha 400 myń tonna un, 8,9 myń tonna makaron ónimderi, 3,5 myń tonna jarma, 7,6 myń tonna ósimdik maıy, 833 tonna shujyq ónimderi jáne 6,5 myń tonna et óndirildi», - dep atap ótti Besimbaev.
