Qostanaı oblysy: Órtten zardap shekkenderge salynatyn úıler ınfraqurylymmen tolyq qamtylady

ASTANA. QazAqparat – Qostanaı oblysynda órtten zardap shekkenderge salynatyn úıler qajetti ınfraqurylymmen tolyqtaı qamtamasyz etiledi. Bul jaıynda Májilis depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Qostanaı oblysynda tabıǵı órt saldarynan 91 turǵyn úı búlingen jáne olar tehnıkalyq tekserý júrgizilgennen keıin qaıta qalpyna keltirýge jatpaıtyny anyqtaldy. Saldardy joıý maqsatynda Úkimet 2,27 mlrd teńge somasynda qarajat bóldi (Úkimettiń 2022 jylǵy 9 qyrkúıektegi 672 qaýlysy). Qarajat 91 turǵyn úı (jalpy aýdany 100 sharshy metr bolatyn bir qabatty tórt bólmeli turǵyn úı) jáne órt saldarynan zardap shekkender úshin ınjenerlik ınfraqurylym salýǵa baǵyttalǵan», - dedi Álıhan Smaıylov jaýabynda.

Úkimet basshysynyń atap ótýinshe, «KazQSǴZI» AQ jáne «Memsaraptama» RMK ınstıtýttary turǵyn úılerdiń jáne ınjenerlik jelilerdiń jobasyn ázirlegen.

«Barlyq úı qajetti ınfraqurylymmen (sý, gaz, elektr energııasy, sondaı-aq kirme jol tartylady) qamtamasyz etiledi. Qostanaı oblysy ákimdiginiń aqparatyna sáıkes, búgingi tańda 13 merdiger uıymnyń kúshimen (690 qurylysshy men 11 tehnıkalyq qadaǵalaý mamany jumyldyrylyp, 82 tehnıka tartyldy) turǵyn úıler men ınjenerlik jelilerdiń qurylys-montajdaý jumystary júrip jatyr», - dedi Premer-Mınıstr.

Foto: instagram.com/arkhimed_mukhambetov