Qostanaı oblysy: Órt qaýipsizdigin buzǵan aýdan ákimdigi jaýapqa tartyldy
QOSTANAI. QazAqparat - Qostanaı oblysynyń Uzynkól aýdandyq sotynda osy aýdan ákiminiń apparatyna qatysty órt qaýipsizdigi erejelerin saqtamaý jóninde ákimshilik is qaraldy, dep habarlaıdy QazAqparat tilshisi Qostanaı oblystyq sotynyń baspasóz qyzmetine silteme jasap.
«Uzynkól aýdanynyń tótenshe jaǵdaılar bólimi Uzynkól aýdany ákiminiń apparatynda órt qaýipsizdigi erejeleriniń saqtalýyn tekserdi. Sonyń qorytyndylaryna oraı anyqtalǵan kemshilikterdi joıý týraly uıǵarym shyǵarylǵan», - deıdi oblystyq sottyń ókilderi.
Biraq belgilengen merzim ishinde olqylyqtar tolyq joıylmaǵan.
Osyǵan baılanysty sottyń sheshimimen «Uzynkól aýdany ákiminiń apparaty» MM ákimshilik jaýapqa tartylyp, 100 AEK (240 myń 500 teńge) kóleminde aıyppul tóleýge mindetteldi.
Anyqtalǵandaı, ákimdiktegi tekseris 2017 jyldyń tamyzynda júrgizilgen.
