Qostanaı oblysy Densaýlyq saqtaý basqarmasynyń basshysy qyzmetinen ketti

QOSTANAI.QazAqparat – Qostanaı oblysy Densaýlyq saqtaý basqarmasynyń basshysy Vıacheslav Dýdnık jumysynan bosatyldy, dep habarlaıdy QazAqparat.

Vedomstvonyń baspasóz hatshysy Ksenııa Jılkıbaeva málim etkendeı, V.Dýdnık búgin qalalar men aýdandardyń aýrýhanalary basshylarymen onlaın rejımde jıyn ótkizdi. Jıyn barysynda ol qyzmetinen óz erkimen ketetinin málimdegen.

«Men basshylyqqa qyzmetimnen bosatý týraly aryz jazdym. Búgin sońǵy jumys kúnimdi ótkizemin. Rasymen de, oblystyń densaýlyq saqtaý salasynda aıtarlyqtaı jumys atqaryldy. Aldaǵy ýaqytta da mańyzdy jobalardy iske asyratyndaryńyzǵa senim mol. Birge bolǵandaryńyz úshin rahmet», - dedi departament basshysy áriptesterine.

Qostanaı oblysy Densaýlyq saqtaý basqarmasynyń basshysy mindetin atqarýshy tulǵa erteń tanystyrylatyny kútiledi.