Qostanaı oblysy balabaqshamen qamtýdyń eń joǵarǵy kórsetkishine jetti
ASTANA. 26 tamyz. QazAqparat - Respýblıkada 655,3 myń balany qamtıtyn 8729 mektepke deıingi uıymdar bar. 2012 jylmen salystyrǵanda jeli jarty jyldyqta 139 birlikke (94 balabaqsha, 45 shaǵyn ortalyq) kóbeıgen.
«Balalardy mektepke deıingi uıymdarmen qamtý ótken jylmen salystyrǵanda 6,2 paıyzǵa ósip, jalpy alǵanda 71,5 paıyzdy qurady», - delingen QR Bilim jáne ǵylym mınıstrliginiń habarlamasynda.
Balabaqshamen qamtýdyń eń joǵarǵy kórsetkishi Qostanaı (100 paıyz), Qaraǵandy (97,8 paıyz), Pavlodar (95,6 paıyz), Batys Qazaqstan (95,3 paıyz) oblystarynda tirkeldi.
Repýblıkalyq kórsetkishterden tómen deńgeı Almaty oblysynda (55,9 paıyz), Jambyl (65,1 paıyz), Mańǵystaý (63,9 paıyz), Ońtústik Qazaqstan (58 paıyz) oblystarynda jáne Astana (62,4 paıyz), Almaty (53,1 paıyz) qalalarynda tirkeldi.
