Qostanaı oblysy aýyldarynyń birinde polıtsııa qyzmetkeri oq jaraqatyn aldy
ASTANA. 13 aqpan. QazAqparat - Uzynkól aýdany aýyldarynyń birinde ýchaskelik polıtsııa qyzmetkerin atyp ketti. Qostanaı oblysy boıynsha ІІD-niń jetekshileri bul oqıǵa jaıynda resmı málimdeme jasamaı otyr.
Polıtsııa qyzmetkeri habarlaǵandaı, ony jergilikti 64 jastaǵy mas turǵyn atqan. Onyń ústinen qylmystyq is qozǵaldy, tergeý amaldary júrip jatyr. Polıtsııa qyzmetkeriniń qanshalyqty jaraqattanǵany, urystyń neden shyqqany jaıly ázirge málimet joq.
Tótenshe jaǵdaıdyń resmı emes boljamy boıynsha bul oqıǵa dastarhan basynda oryn alǵan. Úıdiń qojaıyny qonaqtardyń aldynda jańa qarýyn kórsetip, maqtanyp turǵan kezde, myltyq abaısyzda atylyp ketip, polıtsııa qyzmetkeriniń ıyǵyna tıgen. Alaıda mas bolǵan saqshy jaraqytty elemegen. Birshama ýaqyt ótkennen keıin ol taǵy da ishimdik satyp alý úshin dúkenge bara jatqan jolda esinen tanyp, qulap qalǵan.
