Qostanaı oblysy ákiminiń orynbasary KVI-ge qarsy vaktsına qabyldady
Oblystyq densaýlyq saqtaý basqarmasynyń baspasóz qyzmeti málim etkendeı, búgin saǵat 16:00-degi jaǵdaı boıynsha óńirde 40 adam koronavırýs indetine qarsy ekpeden ótti. Olardyń teń jartysy – medıtsına qyzmetkerleri.
«Egilgenderdiń arasynda oblys ákiminiń orynbasary Erlan Spanov, Qostanaı oblysynyń memlekettik sanıtarlyq bas dárigeri Ermuhanbet Dáýletbaev, Densaýlyq saqtaý basqarmasy basshysynyń orynbasary Rústem Aıtbaev jáne oblystyq jedel járdem qyzmetiniń bas dárigeri Irına Shteıgervald bar. Patsıentter vaktsınatsııadan keıin jarty saǵat mamandardyń baqylaýynda arnaıy kabınette bolady. Egý protsesinen buryn patsıentti terapevt tekserip, kelisimin alady», - deıdi vedomstvonyń baspasóz hatshysy Ksenııa Jılkıbaeva.
Buǵan deıin Qostanaı oblysynda koronavırýstyq ınfektsııaǵa qarsy vaktsınalaý boıynsha daıyndyq jumystary aıaqtalǵanyn jazdyq.
Oblystyq densaýlyq saqtaý basqarmasynyń dári-dármek saıasaty bóliminiń basshysy Gúlnar Ospanovanyń aıtýynsha, búgin aımaqqa vaktsınanyń 1200 dozasy ákelindi. Vaktsına júrgizýge barlyǵy 31 medıtsınalyq mekeme jumyldyrylady. Onyń ishinde 26 memlekettik, 5 jekemenshik emhana bar.
