Qostanaı oblysy ákimdiginiń qyzmetkeri benzın urlaǵany úshin sottaldy
QOSTANAI. QazAqparat - Qostanaı oblystyq aýyl sharýashylyǵy basqarmasynyń qarjy, josparlaý jáne memlekettik satyp alýlar bóliminiń basshysy Natalıa Malıı 6 jylǵa shartty túrde sottaldy, dep habarlaıdy QazAqparat tilshisi.
Oblystyq sottyń baspasóz qyzmeti taratqan aqparatqa súıensek, Natalıa Malıı 6 jyl boıy benzın tallondaryn urlap kelgen.
«2012 jylǵy tamyz aıynan 2018 jylǵy qańtar aıyna deıin ol 56 186 lıtr benzın tallonyn jymqyrǵan. Bul shamamen 8,2 mln teńgeni quraıdy. Kúdikti sotty tergep-tekserýdiń birinshi kúninen-aq keltirilgen shyǵyndy ótep, prokýrormen protsessýaldyq kelisim jasasqan. Osy arqyly onyń jazasy jeńildetildi», - delingen vedomstvonyń habarlamasynda.
Qostanaı qalasynyń №2 sotynyń úkimimen Natalıa Malıı kináli dep tanylyp, shartty túrde 6 jylǵa bas bostandyǵynan aıyryldy. Ol sondaı-aq memlekettik qyzmetten de ómir boıyna shettetildi.
