Qostanaı oblysy ákimdigi eki basqarmasynyń basshylary taǵaıyndaldy

ASTANA. QazAqparat - Qostanaı oblysynyń ákimi  Arhımed Muhambetov eki basqarmaǵa jańa basshy taǵaıyndady,  dep habarlady alau.kz.

Gúljan Meńdekenova Qostanaı oblysy ákimdiginiń tilderdi damytý basqarmasynyń basshysy bolyp taǵaıyndaldy.  Budan buryn ol oblystyq ákimdiktiń muraǵattar jáne qujattama basqarmasyn basqardy. Ol 1962 jyly 31 naýryzda Qostanaı oblysy Engels aýylynda týǵan.   

Sáýle Aımuhambetova oblystyq ákimdiktiń muraǵattar jáne qujattama basqarmasynyń basshysy bolyp taǵaıyndaldy. Ol 11 jyl qarjy basqarmasyn basqarǵan. Qazir qarjy basqarmasy basshysynyń mindetin Alma Júsipova atqarýda. Sáýle Aımuhambetova 1961 jyly 15 tamyzda Qarasý aýdany Qarasý aýylynda týǵan.

1978 jyly Qarasý orta mektebin aıaqtap, sol jyly Tselınograd aýyl sharýashylyǵy ınstıtýtyna túsip, 1983 jyly ekonomıka jáne aýyl sharýashylyǵyn uıymdastyrý mamandyǵy boıynsha támamdady.