Qostanaı oblysy 400 tonnadan astam etti eksportqa shyǵardy
QOSTANAI. QazAqparat - Qostanaı oblysynda mal sharýashylyǵyn damytý baǵdarlamasy óńirdiń aýqymdy eksporttyq áleýetin tolyqtaı júzege asyrýy kerek. Bul pikirdi oblystyq aýyl sharýashylyǵy basqarmasynyń jetekshisi Jansultan Taýkenov bildirdi, dep habarlaıdy QazAqparat.
Aýyl sharýashylyǵy salasyn qoldaýǵa baǵyttalǵan memlekettik baǵdarlamanyń arqasynda oblysta mal basy men mal ónimderiniń kólemi arta tústi. J.Taýkenovtyń sózinshe, oblys turǵyndardyń etke degen qajettiligi tolyǵymen qamtylyp otyr.
«2027 jylǵa qaraı et óndirý kólemin 184 tonnaǵa jetkizý kózdelgen. Etke degen ishki qajettilik tolyǵymen qamtylyp, ózge óńirlerge onyń 4,5 myń tonnasy jiberilgen. Sondaı-aq 474 tonna et Reseıge eksporttalǵan. Et óndiretin 26 kásiporyn jergilikti shıkizatpen qamtylyp otyr»,-dedi J.Taýkenov.
Búgingi tańda múıizdi iri qaranyń basy oblys boıynsha 470-ke jetti. Al jylqy sany 5% ósip, 118 myńdy qurady. Qoı men eshki 2% kóbeıip, 499 myń bas boldy. Tek shoshqanyń sany ǵana 209 myń bas kóleminde qalyp otyr.
