Qostanaı oblystyq prokýratýrasynyń aralasýynan keıin «Sever-ptıtsa» AQ-da jalaqy boıynsha jınalǵan 24 mln. teńge qaryz óteldi
ASTANA. QazAqparat - Aǵymdaǵy jyly prokýratýra, atqarýshy óndiris jáne jergilikti ózin-ózi basqarý organdarynyń birlesken úılesimdi jumysynyń nátıjesinde jalaqy boıynsha qaryzdy óteýde aıtarlyqtaı nátıjelerge qol jetkizildi, dep habarlady Qostanaı oblystyq prokýratýranyń baspasóz qyzmetinen.
Qoldanǵan sharalardyń arqasynda jalaqy qaryzdary 88 mln. teńgeden 6 mln. teńgege deıin tómendetilip, 639 eńbek etýshi adamnyń quqyǵy qorǵaldy.
Mysaly, 2 kúnniń ishinde «Sever-ptıtsa» AQ-nyń 293 jumyskeriniń aldynda 24 mln. teńge qaryzdy óteý múmkin boldy.
Bul jalaqy boıynsha qaryzdy ýaqtyly óteýdiń jalǵyz mysaly emes. Atalǵan baǵytta jumys jalǵastyrylyp keledi, dep atap ótti aımaq prokýratýrasynan.
