Qostanaı oblystyq ІІD patrýldik kólik pen skýter soqtyǵysqan jol apatyn túsindirdi
QOSTANAI. QazAqparat - Qostanaı oblystyq ІІD WhatsApp messendjerimen taralǵan aqparatqa qatysty túsinik berdi. Taralǵan habarlamada belgisiz avtor patrýldik mashınanyń skýterdegi er adamdy qaǵyp ketkenin aıtqan, dep habarlaıdy QazAqparat.
«Aqparatty tekserý barysynda 10 shildede Áýlıekól aýdany Qusmuryn kentinde 55 jastaǵy skýter júrgizýshisi Kavketaev kóshesimen kele jatyp, rýldi basqara almaı, aýdarylǵany belgili boldy. Oqıǵa kezinde osy kósheni jergilikti polıtsııa qyzmetiniń qyzmetshileri patrýldegen. Olar er adamǵa kómektesip, úıine jetkizip salǵan», - dep túsindirdi vedomstvoda.
Polıtseıler azamattardan áleýmettik jelige rastalmaǵan aqparatty taratpaýlaryn suraıdy jáne jalǵan málimetti taratý úshin jaýapqa tartylatynyn eske saldy.
