Qostanaı oblystyq balalar úıi jabylady
QOSTANAI.QazAqparat - Tárbıelenýshilerdiń azaıýyna baılanysty Qostanaı oblystyq balalar úıi jabylatyn boldy, dep habarlaıdy QazAqparat.
Bul aqparatty oblystyq bilim basqarmasynyń basshysy Bátıma Daýmova rastady.
"Búginde oblystyq balalar úıinde nebári 52 tárbıelenýshi bar. Jospar boıynsha, bul mekeme 165 orynǵa shaqtalǵan. Bıylǵy oqý jylyn 25 bala támamdaıyn dep otyr. Sol sebepti, balalar úıi bıyl jabylmaq", - dedi basqarma basshysy.
Al qalǵan 32 bala Rýdnyıǵa kóshiriledi.
Daýmovanyń sózinshe, jabylǵaly turǵan balalar úıi aldaǵy qyrkúıekten bastap IT-tehnologııa mektebine beriledi. Ol «Ozat» daryndy balalarǵa arnalǵan mektep-ınternatynyń bazasynda qurylady.
