Qostanaı oblysynyń turǵyndaryna jylýǵa jumsalǵan 106 mln teńge qaıtarylady

QOSTANAI. KAZINFORM – Tabıǵı monopolııa sýbektileri syrtqy temperatýrany eskere otyryp, jylý energııasynyń qunyn jyl saıyn qaıta esepteýge mindetti.

Mundaı norma «Tabıǵı monopolııalar týraly» QR zańynyń 2 baby, 11 tarmaqshasynda bar.

Ulttyq ekonomıka mınıstriniń buıryǵymen bekitilgen tarıfterdi qalyptastyrý tártibine sáıkes, jylý eseptegish quraldary joq tutynýshylar úshin tólem qaıta esepteletin bolady. Olarǵa esep Qostanaı oblysy ákimdiginiń qaýlysymen bekitilgen normatıv boıynsha júrgiziledi.

Tabıǵı monopolııalardy retteý departamenti tabıǵı monopolııa sýbektileri usynǵan derekter negizinde júrgizgen taldaý nátıjesinde, 2024–2025 jylǵy jylytý maýsymynda syrtqy aýa temperatýrasynyń naqty kórsetkishterine baılanysty Qostanaı oblysynyń tutynýshylaryna qaıtarylýy tıis soma QQS-syz 95,4 mln teńgeni nemese QQS-ty eseptegende 106,9 mln teńgeni qurady. Bul somanyń edáýir bóligi, naqtyra aıtqanda 47 mln teńgeden astam qarjy Qostanaı qalasyna tıesili.

Qarjy jylýmen qamtamasyz etý qyzmetine tólemdi túzetý arqyly qaıtarylady.

Osyǵan deıin Jetisý oblysynda monopolıst jaýapqa tartylyp, jylý tarıfi tómendetilgeni týraly jazdyq.