Qostanaı oblysynyń turǵyndary «Soltústik shuǵylasyna» kýá boldy

Qostanaı oblysy turǵyndary elimizdiń soltústik óńirindegi erekshe qubylysty sýretke túsirip alǵan. Túngi aspandaǵy tańǵajaıyp shuǵyla túsirilgen kadrla áleýmettik jelilerde tarady, dep habarlaıdy Kazinform. 

Oqyrmandar oblystyń túrli aımaqtarynan túsirilgen sýretterdi bólisip jatyr. «Soltústik shuǵylasyn» Lısakovsk, Qostanaı, Áýlıekól, Sarykól, Uzynkól, Jitiqara, Fedorovsk pen Meńdiǵara aýdandarynyń turǵyndary tamashalaǵan. Ol jaqta aspan qyzyl-jasyl túske boıaldy.

Mundaı erekshe qubylysqa kún sáýlesiniń belsendiliginiń joǵary bolýy men magnıttik daýyl sebep bolǵan.