Qostanaı oblysynyń oqýshylary aıazǵa baılanysty qashyqtan oqıdy

QOSTANAI. KAZINFORM — Qaladaǵy birinshi aýysym oqýshylary qashyqtyqtan oqytý formatyna aýystyryldy, dep habarlaıdy Kazinform menshikti tilshisi.

Oblysta aýa temperatýrasy kúrt tómendep, jel kúsheıdi.

Qostanaı oblysy bilim basqarmasynyń habarlaýynsha, Rýdnyı jáne Lısakov qalalaryndaǵy 0-4-synyptardyń birinshi aýysymynyń oqýshylary qashyqtyqtan oqytýǵa aýystyryldy.

Qostanaıda 0-7 synyp oqýshylary onlaın oqıtyn boldy.

Sondaı-aq, Qarabalyq aýdanynda birinshi aýysymda oqıtyn 0-11 synyp oqýshylaryna sabaq qashyqtan ótedi. Aýa temperatýrasy -30 gradýsqa deıin tómendep, jel jyldamdyǵy 4 m/s deıin jetedi. Bastaýysh mektepterde — 48 oqýshy, sabaq saǵat 12:00–de bastalady.

Qostanaı aýdanynda birinshi aýysymdaǵy 0-4 synyp oqýshylary onlaın oqytý formatyna kóshirildi. Jitiqara aýdanyndaǵy mektepterdiń 0-8 synyp oqýshylarynyń sabaqtary da onlaın ótedi.

Denısov aýdanyndaǵy birinshi aýysymdaǵy 1-9 synyp oqýshylary úshin sabaq qashyqtan oqytý formatyna kóshirildi. Bul óńirde aıaz -28 gradýsqa deıin barady. 

— Uzynkól aýdanynda birinshi aýysymdaǵy tórtinshi synypqa deıingi oqýshylar (№ 1 Uzynkól OM, K.Dónenbaeva atyndaǵy OM -26°S), 11 synyp (Troebratskaıa OM, Sývorovskaıa OM -30°S) oqytýdyń onlaın formatyna aýystyryldy, qalǵandary shtattyq rejımde oqyp jatyr. Sondaı-aq, Beıimbet Maılın aýdanyndaǵy mektepterde 0-11 synyptar arasyndaǵy birinshi aýysymdaǵy oqýshylarǵa sabaq saǵat 12:00–ge aýystyryldy, — dep jazdy vedomstvonyń baspasóz qyzmeti.

Eske sala ketsek, elimizdiń 15 óńirinde aýa raıyna baılanysty eskertý jarııalandy.