Qostanaı oblysynyń Qoǵamdyq damý basqarmasyna jańa basshy keldi
QOSTANAI. KAZINFORM — Álııa Bekmaǵambetova Qostanaı oblysy ákimdiginiń Qoǵamdyq damý basqarmasynyń basshysy laýazymyna aýysty, dep habarlaıdy oblys ákimdiginiń baspasóz qyzmeti.
— Qostanaı oblysy ákiminiń ókimimen jáne Qazaqstan Respýblıkasy Prezıdenti Ákimshiliginiń kelisimi boıynsha Álııa Moldabaıqyzy Bekmaǵambetova Qostanaı oblysy ákimdiginiń Qoǵamdyq damý basqarmasynyń basshysy laýazymyna taǵaıyndaldy, — delingen habarlamada.
Álııa Moldabaıqyzy 1979 jyly Qostanaı oblysynda dúnıege kelgen.
Qostanaı gýmanıtarlyq ınstıtýtyn «Qazaq tili men ádebıeti muǵalimi» mamandyǵy boıynsha, sondaı-aq A. Baıtursynov atyndaǵy Qostanaı óńirlik ýnıversıtetin «Quqyq bakalavry» mamandyǵy boıynsha bitirgen.
Eńbek jolyn Álııa Moldabaıqyzy 2000 jyly tarıh pániniń muǵalimi ári oqý bóliminiń meńgerýshisi qyzmetinen bastaǵan.
2009–2022 jyldar aralyǵynda Sarykól aýdandyq ákimdiginde birqatar basshylyq laýazymda qyzmet atqardy: mádenıet jáne tilderdi damytý bóliminiń basshysy, aýdan ákimi apparatynyń basshysy, aýdan ákiminiń orynbasary.
2022–2023 jyldary Qostanaı oblysy ákimi apparatynyń uıymdastyrý-ınspektorlyq bólimin basqardy.
2023 jylǵy mamyr aıynan 2025 jylǵy qyrkúıek aıyna deıin Sarykól aýdany ákiminiń orynbasary laýazymynda boldy.
Budan buryn SQO-da áleýmettik osal toptardyń quqyǵyn qorǵaý jónindegi ýákil taǵaıyndalǵanyn jazǵanbyz.