Qostanaı oblysynyń aýmaǵynda brýtsellez tirkeldi
ASTANA. KAZINFORM — Jergilikti atqarýshy organdar aýrýdyń anyqtalýyna baılanysty shekteý engizýdi usynyp otyr, dep habarlaıdy Kazinform agenttiginiń tilshisi.
Joba «Ashyq NQA» saıtynda jarııalandy. 2025 jyldyń 10 aqpanyna deıin talqylaý ótkiziledi.
— Qostanaı oblysy Qarabalyq aýdany Qosoba aýyldyq okrýgi Slavenka aýylyndaǵy «A. S. Kýzmınyh» sharýa qojalyǵynyń aýmaǵynda iri qara maldan brýtsellez aýrýy anyqtalýyna baılanysty shekteý sharalary belgilensin, — delingen qujatta.
Sondaı-aq, veterınarlarǵa jańadan anyqtalǵan epızootııalyq oshaqta qajetti sanıtarııalyq-epıdemııaǵa qarsy jáne veterınarııalyq-sanıtarııalyq is-sharalardy júrgizý qajet bolady.
Eske salsaq, budan buryn SQO-da byltyr 529 iri qaradan brýtsellez anyqtalǵanyn jazdyq.
Degenmen juqpaly dert tek malǵa ǵana emes adamdarǵa da juǵyp jatyr. Máselen ShQO-da 2024 jyly 36 adam brýtsellez juqtyrǵany belgili boldy.