Qostanaı oblysynyń agrokompanııalary 600 mıllıon teńge jymqyrdy degen kúdikke ilindi
QOSTANAI. KAZINFORM — QR Qarjy monıtorıngi agenttiginiń Qostanaı oblysy boıynsha Ekonomıkalyq tergeýler departamenti birneshe aýylsharýashylyq kompanııalardyń laýazymdy tulǵalaryna qatysty alaıaqtyq boıynsha sotqa deıingi tergeý júrgizip jatyr.
Tergeý derekterine sáıkes, zańsyz áreketterge «DostykJerAgro» JShS, «DostykHımAgro» JShS, «KaramaıAgro» JShS jáne «DostykServıs» JShS-nyń basshylarynyń qatysy bolýy múmkin.
2020 jyldyń kókteminen 2024 jyldyń sáýirine deıingi kezeńde olar kásipkerlerdiń senimin teris paıdalanyp jáne aldaý arqyly ósimdik qorǵaý quraldary – gerbıtsıdter men pestıtsıdter úshin tólem jasaýdan bas tartqan. Nátıjesinde jetkizýshilerge 600 mıllıon teńgeden astam zııan keltirilgen.
Іs qaralyp jatyr, qajetti tergeý sharalary júrgiziledi.
Buǵan deıin qostanaılyq erli-zaıyptylar veterınarııalyq anyqtamalardy qoldan jasap kelgeni anyqtalǵan edi.