Qostanaı oblysynda medıtsına qyzmetkerleri zańsyz tolyq kólemdi eńbek demalysynan qaǵylǵan
QOSTANAI. KAZINFORM – Qostanaı oblysynda prokýrorlar tolyq kólemdi eńbek demalysyna shyǵa almaǵan medıtsına qyzmetkerleriniń konstıtýtsııalyq quqyqtaryn qorǵady. Bul týraly Qostanaı oblysy prokýratýrasynyń baspasóz qyzmeti málim etti.
Qostanaı oblysy Naýyrzym aýdanynyń prokýratýrasy «Naýyrzym aýdandyq aýrýhanasy» kommýnaldyq memlekettik kásiporny qyzmetkerleriniń eńbek quqyqtarynyń saqtalýyna taldaý júrgizdi.
«Salalyq kelisim talaptaryn saqtamaý, atap aıtqanda, eńbek demalysyn tolyq kólemde usynbaý arqyly medıtsınalyq qyzmetkerlerdiń konstıtýtsııalyq quqyqtaryn buzý faktileri anyqtaldy. Prokýrorlyq den qoıý sharalarymen buzýshylyqtar joıyldy, 54 qyzmetkerge 2,3 mln. teńge somasyna ótemaqy tólemderi óteldi», — dep habarlady prokýratýradan.
