Qostanaı oblysyndaǵy «Jelqýar» ótkizý pýnkti ýaqytsha jabyldy

ASTANA. KAZINFORM –  UQK «Jelqýar» ótkizý pýnkti jumysynyń toqtatylǵanyn málimdedi.

«UQK Shekara qyzmeti Qostanaı oblysyndaǵy sý tasqyny jaǵdaıyna baılanysty 2024 jylǵy 29 naýryzdan bastap «Jelqýar» avtomobıldik ótkizý pýnktinde Qazaqstan Respýblıkasy Memlekettik shekarasy arqyly adamdardy, kólik quraldaryn, júkter men taýarlardy ótkizý ýaqytsha toqtatylǵanyn habarlaıdy», - delingen habarlamada.

Kólik quraldarynyń júrgizýshilerine jáne osy aımaqta shekaradan ótýdi josparlap otyrǵan adamdarǵa qalyptasqan jaǵdaıdy eskere otyryp, ózderiniń qozǵalys baǵyttaryn túzetý usynylady.

Buǵan deıin Qostanaı oblysyna qarasty úsh eldi meken: Arqalyq qalasy, Amangeldi jáne Jangeldi aýdandarynda búgin tótenshe jaǵdaı jarııalanǵanyn jazǵan bolatynbyz.