Qostanaı oblysyndaǵy Jaman kólinde qustar jappaı qyryldy: ınspektsııa tekserý júrgizip jatyr
QOSTANAI. KAZINFORM - Qostanaı oblysyndaǵy Jaman kóliniń jaǵalaýynan sýda júzetin kóptegen qustyń óleksesi tabyldy. Qustardyń jappaı qyrylý sebebi ázirge anyqtalǵan joq. Osyǵan baılanysty quzyrly organdar tekserý jumystaryn bastady.
Ólgen qustardyń beınejazbasyn oblystyq basylymdar taratty.
Kadrlardan jaǵalaýdyń jekelegen ýchaskelerinde sýda júzetin qustardyń ólekseleri jatqanyn kórýge bolady.
Qostanaı oblystyq orman sharýashylyǵy jáne janýarlar dúnıesi aýmaqtyq ınspektsııasynyń málimetinshe, tıisti ótinish búgin ǵana túsken.
— Hat búgin oblystyq ańshylar men balyqshylar qoǵamynan tirkeldi. Osy máselege qatysty tekserý júrgiziledi, — dep habarlady vedomstvo.
Mamandar sýda júzetin qustardyń qyrylý sebepterin anyqtap, oqıǵanyń kóldiń yqtımal lastanýyna baılanysty bolǵan-bolmaǵanyn tekserýi kerek. Tekserý nátıjesi keıinirek belgili bolady.
Olar qustardyń jappaı qyrylýyna naqty ne sebep bolǵanyn anyqtaıdy. Atap aıtqanda, oqıǵanyń kóldiń yqtımal lastanýymen baılanysty bolýy múmkin degen nusqa da tekseriledi.
Tekserý nátıjesi keıin habarlanady.
Aıta keteıik, jýyrda ǵalymdar qoryqtaǵy ań-qustarǵa monıtorıng júrgizdi.
