Qostanaı oblysyndaǵy túzeý mekemesinde jazasyn óteýshi qaıtys boldy

QOSTANAI. KAZINFORM — Qostanaı oblysyndaǵy túzeý mekemesinde jazasyn óteýshi kóz jumdy. Oqıǵaǵa baılanysty tergeý bastaldy.

QR Qylmystyq-atqarý júıesi komıtetiniń baspasóz qyzmeti er adamnyń esirtki qylmysy úshin jazasyn ótep jatqanyn habarlady.

— Bul oqıǵa beınebaqylaý kamerasyna túsken. Qazir barlyq mán-jaıdy anyqtaý maqsatynda qyzmettik tergeý júrip jatyr, — delingen habarlamada.

Eske salaıyq, Abaı oblysyndaǵy túzeý mekemesinde janjal bolyp, bir sottalǵan kóz jumdy. Bir kamerada otyrǵan eki sottalǵan arasynda janjal shyqqan. Kúdikti ýaqytsha ustaý ızolıatoryna qamaldy.