Qostanaı oblysyndaǵy Tobyl kenti káriz sýynyń astynda qaldy
QOSTANAI. KAZINFORM – Tamyz aıynda jaýyn-shashynnyń eki aılyq normasy túsýinen Qostanaı oblysyndaǵy Tobyl kentin káriz sýy basty. Jerasty sýynyń kóterilýine baılanysty jertóledegi úı-jaılardy sý basyp, káriz qudyqtary tolǵan.
Aýdan ákimdigi sý aıdaý jumystary jalǵasyp jatqanyn aıtty. Sý basqan kóshelerdiń sýreti áleýmettik jelilerge jarııalandy. Jaǵdaıǵa qatysty jergilikti atqarýshy organ túsinikteme berildi.
«Tobyl kentinde jaýyn-shashynnyń kóp mólsheri túsýine baılanysty aılyq normadan 20 kúnde eki ese asyp, jerasty sýlary kóterildi. Sonyń saldarynan kópqabatty úılerdiń jertólesindegi úı-jaılar men káriz qudyqtary sý astynda qaldy. Nátıjesinde qoldanystaǵy káriz júıesi tolyp ketti. Qoldanystaǵy eki káriz stantsııasy (KSS) eń joǵary rejımde jumys isteıdi (toqtaýsyz). bul turǵyndardan keletin káriz aǵyndaryn ǵana emes, sonymen qatar sorýǵa múmkindik beredi», - dedi vedomstvodan.
Sý aıdaý jumystaryna vokzal mańyndaǵy alańnan temir jol kásiporyndarynyń qajetti quraldary men kúshteri tartyldy. Olar 700 tekshe metrden astam sý aıdady. 200 metrge jýyq sý burǵysh aryq qazyldy, motopompalar men basqa da mamandandyrylǵan tehnıka jumys isteıdi.
B.Maılın aýdany ákimdiginde Tobylda káriz 86% tozǵanyn aıtty. Tozýdy azaıtý úshin 2024 jyly aýdannyń TKSh bólimimen «Tobyl kentiniń sý burý júıesin qaıta qurý» JSQ ázirleý jumystary bastaldy. Káriz jelileri men KSS-ti tekserý, júktemelerdi esepteý jumystary júrgizildi, jelilerdi rekonstrýktsııalaý shemasy kelisildi. Jobany iske asyrý qarjylandyrý bólinýine qaraı 2025-2026 jylǵa josparlanǵan.
