Qostanaı oblysyndaǵy qoımalar sýǵa 99 paıyz tolyp tur

ASTANA. KAZINFORM – Qostanaı oblysyndaǵy qoımalar sýǵa 99 paıyz tolyp tur. Bul týraly Qostanaı oblysy Tótenshe jaǵdaılar departamenti bastyǵynyń orynbasary Asylbek Sadýov aıtty.

«Qostanaı oblysyndaǵy ahýal qaýipti dep aıtýǵa bolady. Óıtkeni, 6 eldi mekende tótenshe jaǵdaı jarııalandy. Tobyl ózeniniń kóterilýine baılanysty qutqarý jumystary jalǵasyp jatyr. 7 saıajaı qoǵamdastyǵy turǵyndaryn qutqarý júrgizildi. 1 táýliktiń ishinde 2 285 adam, onyń ishinde 84 bala qutqaryldy. Qutqarylǵandardyń jalpy sany – 8 8300-den astam, onyń ishinde 1700-den astam bala. Ýaqytsha ornalastyrý pýnktterinde 464 adam, 123 bala bar. Tobyl ózeni baqylaýda tur. Sebebi Qaratomar, Jelqýar, Amangeldi qoımalarynan sý kelip jatyr. Búginde atalǵan qoımalar 99 paıyzǵa tolyp tur»,- dedi ol Ortalyq kommýnıkatsııalar qyzmetindgi brıfıngte.

Onyń atap ótýinshe, Qostanaı qalasyndaǵy 2 kópirdiń ústin nyǵaıtý jumystary jalǵasyp jatyr.