Qostanaı oblysyndaǵy kásiporyn aýmaǵynda jumysshy kóz jumdy

QOSTANAI. KAZINFORM – Qostanaı oblysyndaǵy kásiporyn aýmaǵynda bir adam kóz jumdy, dep habarlaıdy Kazinform tilshisi.

Qaıǵyly oqıǵa 2024 jylǵy 22 qarashada «Kachary Rýda» AQ aýmaǵynda boldy. Vahtalyq kóliktiń júrgizýshisi ákimshilik-turmystyq korpýstyń aldynda qozǵalys bastap, manevr jasaǵanda basqa vahtalyq kóliktiń júrgizýshisin basyp ketti. Qyzmetker alǵan jaraqatynan kóz jumdy.

«Kachary Rýda» AQ ujymy men basshylyǵy marqumnyń otbasyna kóńil aıtady jáne barlyq qajetti qoldaý kórsetedi. Oqıǵaǵa qatysty tergeý amaldary júrgizilip jatyr», - dep habarlady kompanııanyń baspasóz qyzmeti.

Buǵan deıin Qostanaı oblysyndaǵy dıirmende tórt jumysshy qaza tapqanyn jazǵan bolatynbyz.