Qostanaı oblysyndaǵy eki aýyl qaıtarylǵan aktıvter esebinen aýyz sýmen qamtamasyz etildi
ASTANA. KAZINFORM — Qostanaı oblysy Qarabalyq aýdanynyń Mıhaılovka jáne Slavenka aýyldarynda prokýratýra organdary memleketke qaıtarǵan qarajat esebinen iske asyrylǵan sýmen jabdyqtaý júıeleriniń qurylysy aıaqtaldy.
Jobany iske asyrý turǵyndardy sapaly aýyzsýǵa turaqty qoljetimdilikpen qamtamasyz etýge múmkindik berdi.
Jobalar sheńberinde 16 shaqyrym sý qubyry jelileri salyndy jáne sý taratý pýnkti ornatyldy, bul shamamen 700 adamdy taza sýmen qamtamasyz etýge múmkindik berdi, atap aıtqanda Mıhaılovka aýylynyń 591 turǵyny, Slavenka aýylynyń 224 turǵyny.
Qurylǵan ınfraqurylym senimdilik pen qaýipsizdiktiń zamanaýı talaptaryna sáıkes keledi, bul kommýnaldyq qyzmet kórsetý deńgeıin jáne halyqtyń ómir súrý sapasyn edáýir arttyrady.
2025 jyly Qostanaı oblysynda qaıtarylǵan aktıvterdi qarjylandyrý esebinen turǵyn úı-kommýnaldyq sharýashylyq salasynda barlyǵy 16 joba iske asyryldy. Bıyl taǵy 9 densaýlyq saqtaý jáne bilim berý nysandaryn salý jáne jańǵyrtý josparlanǵan.
Aıta ketelik Atyraý men Mańǵystaýdyń 1,5 mln halqyna jer astynan aýyzsý tartatyn qubyr salynady.
