Qostanaı oblysyndaǵy dıirmende tórt jumysshy qaza tapty

ASTANA KAZINFORM — Áleýmettik jelide dıirmen qyzmetkerleriniń qazasy týraly aqparat tarady.  Tórt adamnyń bıiktikten qulaǵany habarlandy. 

Qaıǵyly oqıǵa 6 qazanda bolǵan. 112 pýltine Qostanaı oblysynyń Rýdnyı qalasynda 5 metr tereńdiktegi býnkerdi tazalaý jumystaryn júrgizý kezinde 4 adam tómen túsip, sý betine shyqpaı jatqany týraly habarlama tústi.

— Oqıǵa ornyna tótenshe jaǵdaılar qyzmeti, polıtsııa jáne jedel medıtsınalyq járdem qyzmeti keldi. Qutqarýshylar jumysshylardyń denelerin býnkerden shyǵardy. Jedel járdem qyzmetkerleri qaıtys bolǵanyn rastady. Oqıǵanyń mán-jaıy anyqtalyp jatyr, dep habarlady Qostanaı oblysynyń Tótenshe jaǵdaılar departamenti.

Bul faktini prokýratýra rastap, polıtsııa tergeý júrgizip jatqanyn aıtty.

Esterińizge sala keteıik, «Qazaqmys» kompanııasyna tıesili «Saıaq-3» shahtasynda kómirtegi gazy shyǵyp, nátıjesinde shahtanyń eki qyzmetkeri qaza tapty.