Qostanaı oblysyndaǵy dala órti tolyq sóndirildi

QOSTANAI. KAZINFORM – Qostanaı oblysynda oryn alǵan dala órti tolyǵymen sóndirildi, dep habarlaıdy TJM.

Órtti aýyzdyqtaýǵa Tótenshe jaǵdaılar mınıstrligi bólimsheleriniń kúshteri, ákimdik pen jergilikti atqarýshy organdar, ekinshi qutqarý batalony, aýmaqtyq qorǵanys áskerı bólimderi, Ulttyq ulan, polıtsııa akademııasy jáne orman sharýashylyǵy qyzmetkerleri jumyldyryldy.

Sondaı-aq TJM-niń «Qazavıaqutqarý» tikushaǵy qoldanyldy.

- Jalpy alǵanda, 550-den astam adam jáne shamamen 80 tehnıka birligi tartyldy, - dep jazdy vedomstvodan.

Aıta keteıik, Batys Qazaqstanda 400 tonna pishen órtenip ketti.