Qostanaı oblysyndaǵy dala órti sóndirildi

QOSTANAI. KAZINFORM – Qostanaı oblysyna qarasty Áýlıekól aýdanymen shekaralas B.Maılına aýdany dalasyndaǵy órt tolyǵymen sóndirildi. 

Qostanaı oblysynyń ákimdigi órttiń «Basaman orman sharýashylyǵy» memlekettik orman qorynyń aýmaǵyna taralýyn boldyrmaý maqsatynda onyń shekarasyndaǵy aýmaqta qosymsha jer jyrtý jumystary júrgizilgenin habarlady. 

Orman qory shekarasyndaǵy jumystarǵa Basaman jáne Semıozernyı orman sharýashylyǵy kásiporyndarynan 24 birlik tehnıka men 38 adam jumyldyryldy. 

Dala órtin sóndirýge Tótenshe jaǵdaılar departamenti men jergilikti atqarýshy organdardan da 10 birlik tehnıka men 50 adam atsalysty. 

Buǵan deıin Qostanaı oblysynda tabıǵı órtti sóndirý jumystary jalǵasyp jatqanyn jazǵan edik.