Qostanaı oblysyndaǵy aýyldardyń birinde brýtsellezge baılanysty karantın engizildi

ASTANA.KAZINFORM — Qaralǵan 132 bas iri qaranyń 5-ýinen aýrý anyqtaldy, dep habarlaıdy Kazinform tilshisi. 

Meńdiqara aýdany Býdennov aýyldyq okrýgine qarasty Qyzyltý aýylynda iri qara maldyń brýtsellez juqtyrý faktileri anyqtaldy.

— Buǵan 2025 jylǵy 18 sáýirdegi saraptama qorytyndysy dálel: janýarlardan alynǵan patologııalyq materıaldyń bes úlgisiniń barlyǵy PTR ádisin qoldaný arqyly osyndaı nátıje berdi. Veterınarııalyq is-sharalar josparyna sáıkes bıyl 132 bas iri qara mal brýtsellezge tekserilip, onyń beseýinde aýrý rastaldy, — dep habarlady Qostanaı oblysynyń veterınarııa basqarmasy.

Osyǵan oraı aýylda veterınarlyq-sanıtarlyq erejelerge sáıkes shekteý sharalary engizildi. Ár 15-20 kún saıyn qatarynan eki teris nátıje alynǵansha júıeli zerthanalyq zertteýdi qamtıtyn saýyqtyrý sharalaryn ótkizý josparlanǵan. Jumyspen respýblıkalyq epızootııaǵa qarsy jasaqtyń mamandary aınalysady.

Infektsııa taralýynyń boljamdy kózderi men faktorlaryna brýtsellezge áser etetin janýarlar jáne maldyń baqylaýsyz qozǵalysy jatady.

Qyzyltý aýylynda barlyǵy 225 bas iri qara, 555 bas usaq mal, 47 jylqy bar.

Buǵan deıin Soltústik Qazaqstan oblysyndaǵy aýyldardyń birinde brýtsellez aýrýy anyqtalǵan bolatyn.