Qostanaı oblysyndaǵy aýyl qaıtarylǵan aktıvter esebinen aýyz sýmen qamtamasyz etildi
QOSTANAI. KAZINFORM - Qostanaı oblysy Jangeldi aýdanynyń Shılı aýylynda prokýratýra organdary memleketke qaıtarǵan aktıvter esebinen iske asyrylǵan sýmen jabdyqtaý júıeleriniń qurylysy aıaqtaldy.
Qostanaı oblystyq prokýratýrasy baspasóz qyzmetiniń habarlaýynsha, jańa sý qubyry jelilerin paıdalanýǵa berýdiń arqasynda Shılı aýylynyń turǵyndary sapaly aýyz sýǵa turaqty qol jetkizdi.
Sý qubyrynyń jalpy uzyndyǵy 4,3 km quraıdy jáne Shılı aýylynyń 197 turǵynyn taza sýmen qamtamasyz etýge múmkindik beredi.
2025 jyly Qostanaı oblysynda qaıtarylǵan aktıvterdi qarjylandyrý esebinen turǵyn úı-kommýnaldyq sharýashylyq salalarynda 16 áleýmettik joba iske asyryldy, aǵymdaǵy jyly taǵy 9 densaýlyq saqtaý jáne bilim berý nysandaryn iske asyrý josparlanǵan.
- Qaıtarylǵan aktıvter esebinen júzege asyrylatyn jobalardyń iske asyrylý barysy Qostanaı oblysy prokýratýrasynyń baqylaýynda, - delingen habarlamada.
Osyǵan deıin SQO-da qaıtarylǵan aktıvter esebinen bes áleýmettik joba júzege asyrylyp jatqany týraly jazdyq.