Qostanaı oblysynda júrgizýshi kýáliginsiz aýyr júk kóligin basqarǵan azamat ustaldy
ASTANA. KAZINFORM — Qostanaı oblysynda polıtsııa qyzmetkerleri Fedorov baǵytyndaǵy avtojolda patrýldeý kezinde jol qozǵalysy erejesin óreskel buzý deregin anyqtady.
Tekserý barysynda tirkemesi bar júk kóligin júrgizýshi kýáliginsiz azamattyń basqarǵany belgili boldy.
Polıtseıler quqyq buzýshyny birden kólik basqarýdan shettetip, oǵan qatysty ákimshilik is qozǵady.
— Tekserý barysynda júrgizýshi kýáligi joq azamatty reıske jibergen jumys berýshi de anyqtaldy. Osyǵan baılanysty ol da ákimshilik jaýapkershilikke tartyldy, — delingen habarlamada.
Polıtsııa mundaı zań buzýshylyqtardyń jol qozǵalysyna qatysýshylardyń ómiri men qaýipsizdigine qater tóndiretinin eskertti. Tirkemesi bar júk kóligin basqarý úshin tıisti júrgizýshi kýáligi men kásibı daıyndyqtyń bolýy mindetti.
Eske salaıyq, buǵan deıin Almaty áýejaıynda urlyqtan keıin baqylaýǵa alynbaǵan aýmaqtarǵa kamera qoıylǵanyn habarlaǵanbyz.
