Qostanaı oblysynda jumysshylardy topyraq basyp qaldy: bir adam qaza tapty

ASTANA. KAZINFORM — Qostanaı oblysynda magıstraldi sý qubyryn jóndeý kezinde jumysshylardy topyraq basyp qaldy. Saldarynan bir jumysshy Rýdnyı qalasynyń aýrýhanasynda kóz jumdy.

Oqıǵa 13 tamyzda bolǵan. Rýdnyı qalasynda apatty qalpyna keltirý jumystary kezinde topyraqtyń bir bóligi opyrylyp túsken. Nátıjesinde eki jumysshy zardap shekken.

Oblystyq polıtsııa departamentiniń málimetinshe, eńbek qaýipsizdigi erejesin buzý faktisi boıynsha qylmystyq is qozǵaldy. Qajetti saraptamalar taǵaıyndalyp, oqıǵanyń barlyq mán-jaıyn anyqtaýǵa baǵyttalǵan tergeý amaldary júrgizilýde.

Qorytyndy protsessýaldyq sheshim tergeý nátıjesine sáıkes qabyldanatyn bolady.

Aıta keteıik, Qostanaıda bıdaı urlaǵandar seriktestikke 6,5 mıllıon teńge zalal keltirdi.