Qostanaı oblysynda jolda turyp qalǵan 8 kólikpen birge 100-ge jýyq adam qutqaryldy

ASTANA. KAZINFORM – Bul týraly búgin QR Tótegshe jaǵdaılar mınıstrliginiń baspasóz qyzmetinen málim boldy.

- Búgin túnde Amangeldi aýdanynda Amantoǵaı aýylynan 22 shaqyrym jerde «Áýlıekól-Jaldama» avtojolynyń jabyq ýchaskesinde TJM kúshteri 98 adamdy, onyń ishinde 18 balany qutqardy. Qutqarylǵan 7 adam, onyń ishinde 6 bala Amantoǵaı aýylynyń jylytý pýnktine jetkizildi. Sondaı-aq qar qursaýynan 8 jeńil avtomobıl joldyń tazartylǵan ýchaskesine súıretildi, -delingen habarlamada.

Sondaı-aq onda Sarykól aýdanynda Sonaly aýylynan 5 shaqyrym jerde «Sarykól-Komsomolskoe» avtojolynda qar qursaýynan joldyń tazartylǵan ýchaskesine 2 adam mingen jeńil avtokólik súırep shyǵarylǵandyǵy aıtylǵan.

- Medıtsınalyq kómekke eshkim de muqtaj bolǵan joq, - dep jazdy mınıstrliktiń baspasóz qyzmeti.

Osyǵan deıin elimiz boıynsha 6 oblystaǵy 9 jolda qozǵalys shektelgeni týraly jazdyq.