Qostanaı oblysynda jol jabyldy
ASTANA.KAZINFORM – QazAvtoJol Qostanaı oblysynda kólik qozǵalysyna shekteý qoıylǵanyn habarlady.
Búgin, 4 sáýir saǵat 22:15-te aýa raıynyń buzylýyna baılanysty respýblıkalyq mańyzy bar kelesi avtojoldarda kóliktiń barlyq túri úshin qozǵalysqa shekteý engiziledi:
- «Astana-Atbasar-Jaqsy-Rýzaevka-Sarykól-Qostanaı- RF shekarasy» avtojolynyń 467-539 shaqyrym aralyǵy (Fedorovka aýylynan Qostanaı qalasyna deıin);
- «Qostanaı-Mamlıýtka» avtojolynyń 330-402 shaqyrym aralyǵy (Mendiqara aýylynan Tobyl qalasyna deıin).
Joldy 2026 jyly 05 sáýir saǵat 06:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, Іshki ister mınıstrligi Memleket basshysynyń 2026 jylǵy 30 naýryzda Qaýipsizdik keńesiniń otyrysynda bergen tapsyrmasyna sáıkes Almaty qalasynda bolǵan rezonanstyq jol-kólik oqıǵasy boıynsha tergeý jumystary kúsheıtilgenin málimdedi.
