Qostanaı oblysynda jol apatynan eki adam mert boldy
QOSTANAI. KAZINFORM - Qostanaı oblysynda eki jeńil kólik soqtyǵysyp, saldarynan eki adam kóz jumdy.
Jol-kólik oqıǵasy Qostanaı – Áýlıekól – Surǵan tasjolynda bolǵan. Mazda men Chevrolet Cobalt avtokólikteri soqtyǵysqan.
Apat saldarynan eki adam oqıǵa ornynda kóz jumdy. Taǵy úsh adam túrli dárejede dene jaraqatyn aldy.
Oqıǵa boıynsha polıtsııa sotqa deıingi tergep-tekserýdi bastady. Qazir apattyń mán-jaıy men sebepteri anyqtalyp jatyr.
Tergeý nátıjesi boıynsha protsessýaldyq sheshim qabyldanady.
Polıtsııa júrgizýshilerdi jol qozǵalysy erejelerin qatań saqtaýǵa shaqyrdy. Sondaı-aq jol jáne aýa raıy jaǵdaıyn eskerip, qaýipsiz jyldamdyqty tańdaýǵa, araqashyqtyqty saqtaýǵa jáne kólik tizgininde barynsha muqııat bolýǵa keńes berdi.
Osyǵan deıin Pavlodarda jol apatynan eki adam kóz jumǵany týraly jazdyq.
