Qostanaı oblysynda jol apatynan eki adam qaza taýyp, tórt adam aýrýhanaǵa jetkizildi
ASTANA. KAZINFORM — Qostanaı oblysynda jol apatynan eki adam kóz jumdy.
Oqıǵa Qostanaı — Qarabutaq avtojolynyń Beıimbet Maılın aýdany Valerıanovka kenti mańynda bolǵan. Chery Cowin jáne Mazda 626 avtokólikteri soqtyǵysqan.
Apat saldarynan Chery Cowin kóliginiń júrgizýshisi men bir jolaýshysy oqıǵa ornynda qaza tapty. Taǵy úsh jolaýshy jáne Mazda 626 avtokóliginiń júrgizýshisi túrli jaraqatpen aýrýhanaǵa jetkizildi.
Aldyn ala málimet boıynsha, Chery Cowin júrgizýshisi qarsy baǵyttaǵy qozǵalys jolaǵyna shyǵyp ketip, Mazda 626 kóligimen soqtyǵysqan.
— Bul fakti boıynsha polıtsııa sotqa deıingi tergep-tekserýdi bastady. Qazirgi ýaqytta jol apatynyń barlyq mán-jaıy men sebepteri anyqtalyp jatyr, — dep habarlady Qostanaı oblysy polıtsııa departamentiniń baspasóz qyzmeti.
Tergeý qorytyndysy boıynsha zańnamaǵa sáıkes tıisti protsessýaldyq sheshim qabyldanady.
Polıtsııa júrgizýshilerdi jol qozǵalysy erejelerin saqtaýǵa, jyldamdyqty jol jaǵdaıyna qaraı tańdaýǵa jáne qarsy qozǵalys jolaǵyna shyqpaýǵa úndedi.
Eske salaıyq, buǵan deıin Aqtóbedegi jol apaty kezinde úsh kenshi qaza tapqanyn habarlaǵan edik.
