Qostanaı oblysynda jıyrma aýyldyq órt sóndirý beketi jumys istemeıdi

QOSTANAI. KAZINFORM — Qutqarýshylardyń aıtýynsha, bul jaǵdaı oblystaǵy aýyldar men eldi mekenderde órtke jedel den qoıýǵa qaýip tóndiredi, dep habarlaıdy Kazinform tilshisi.

Qostanaı oblysynyń memlekettik órtke qarsy qyzmeti joq 46 shalǵaı eldi mekende órt sóndirý beketteri quryldy. Sońǵy bes jylda olar 115 órt pen órtenýge qarsy áreket etti. Biraq 20 órt sóndirý beketinde tehnıka aqaýly kúıde. Bul óńirdegi aýyldar men eldi mekenderde órtke jedel den qoıýǵa qaýip tóndirip otyr. 

— Eń kóp aqaýly tehnıka Uzynkól aýdanynda tirkeldi — birden 3 beket. Denısov jáne Sarykól (JShS bankrot bolýyna baılanysty), Qarabalyq, Qostanaı, Naýyrzym aýdandarynda, sondaı-aq Arqalyq qalasynda 2 aqaýly beketten bar. Altynsarın, Meńdiqara jáne Qamysty aýdandarynyń árqaısysynda bir-bir aqaýly beket bar, — dep habarlady vedomstvodan.

Mamandar órt maýsymy jaǵdaıynda tehnıkanyń jumysqa jaramdylyǵy men ýchaskedegi daıyndyǵy máselesi ózekti bolyp otyrǵanyn atap ótti. Máseleni sheshý úshin jergilikti atqarýshy organdar, TJ basqarmasy jáne aýyldyq ákimdikter arasynda úılestirý qajet.

Buǵan deıin Ekologııa mınıstri órt qaýipsizdigin áýeden kúzetýge bólingen qarajat jetpeýine baılanysty Premer-mınıstrden kómek suraǵanyn jazǵan bolatynbyz.