Qostanaı oblysynda jer bólý konkýrsynda zań buzý anyqtaldy
ASTANA. KAZINFORM — Qostanaı oblysynyń prokýratýrasy Uzynkól aýdanyndaǵy aýyl sharýashylyǵy jer bólinisinde buzýshylyqtardy anyqtady.
Uzynkól aýdandyq prokýratýrasy jer zańnamasynyń saqtalýyn taldaý barysynda aýyl sharýashylyǵy maqsatyndaǵy jer ýchaskelerin berý boıynsha konkýrs ótkizý kezinde óreskel buzýshylyqtardy anyqtady.
Uzynkól aýdany ákimshiliginiń jer komıssııasy konkýrs qorytyndylaryn shyǵarý kezinde jekelegen qatysýshylarǵa aýdanda 5 jyldan astam turǵany úshin qosymsha baldardy negizsiz eseptegeni anyqtaldy.
Sonymen qatar, komıssııa konkýrsqa lottardyń biri boıynsha shet memlekettiń azamatymen nekede turǵan Qazaqstan Respýblıkasynyń azamaty qatysqanyn eskermedi.
Al, Jer kodeksiniń 24-babyna sáıkes aýyl sharýashylyǵy maqsatyndaǵy jer ýchaskeleri sheteldiktermen nemese azamattyǵy joq adamdarmen nekede turǵan (erli-zaıypty) el azamattaryna jeke menshigine nemese jer paıdalaný quqyǵymen berilmeıdi.
Prokýrorlyq qadaǵalaý aktisi boıynsha anyqtalǵan buzýshylyqtar joıyldy. Jer komıssııasy otyrysynyń hattamasy joıyldy, al jalpy aýdany 1129 ga 7 jer ýchaskesi sharýa (fermer) sharýashylyǵyn júrgizý maqsatynda azamattarǵa berý úshin konkýrsqa qaıta qoıylady.
Aıta ketelik ShQO-da 20,3 mlrd teńgelik ınvestıtsııalyq jobaǵa kedergi bolǵan jer máselesi sheshilgen edi.
